فضفضة #مبتعث قبل الاختبارات :")

بسم الله الرحمن الرحيم

 قبل ابدا .. والله يا مدونتي مخيسه .. يبي له تصميم وانا ما عندي سالفه .. 
موب ما عندي سالفه بقدر اني ما عندي ذوق وتناسق ألوان وتسذا خخخ ... #ولد عادي :"$


ما علينا خخ ..

زي كل مره .. مدري شلون أبدا السواليف .. لكن بسولف واخربط اغدي اللي بي يطلع :"$


ايون .. وقربت الاختبارات .. شعور مخيس وجميل بنفس الوقت :")
شعور مخيس انك مقبل على خلاصه السمستر ..كل شيء بهالاختبارات .. وشعور جميل انك بعدها بتخلص وتريح مخك شوي :$

هالسمستر كان صعب شوي .. موادي كانت ضغط .. لحسه وقلق .. لكن الحمد لله الامور مشت كويس * ان شاء الله * خخ :|


من يوم انا بزر .. اذا قربت الاختبارات النفسيه تقلب .. مقدر ادرس مثل الناس .. مدري وش يجيني .. وأبدا اطيح بأشياء خايسه جداً خخ

هالأيام طايحن بلعبة المزرعة "هاي داي"  - Hay Day - سفينة ورا سفينة وطلبيات وحماس .. حماس بالمكان الغلط خخخ
امي وهي امي عندها مزرعه .. يعني لا تلوومنن هههههههه ... يا حبيلتس يا ام ياسر .. مزرعتس جميله والله ومنظمه موب مثلي مخيسه هههههههه ..
دايم البنات مرتبين وتسذا .. والعيال حوسه ؟؟ ليششششششش .. ابي اصير مرتب خخ :")
 
ع الطاري اللي يلعب هاي داي او غيره يضيفن بالقيم سنتر خن نلعب جميع :$ 
يوزري بالقيم سنتر: Oomz

نرجع لسالفتنا ...

الاختبارات .. آآآه من الاختبارات -.-
مفروض يآخي يكنسلون الاختبارات .. بعض المرات احسها ظلم .. وخاصه للناس اللي ما تحفظ لكن مخها يفكر ..
يجيك بعض الناس ما شاء الله مخه يسجل الكتاب كله .. ويكب كل اللي بمخه على الورقة بدون أي فهم .. واللي يا ويلي مثلي من النوع اللي يفهم وبس .. يبلش بالاختبار خاصه اذا صار كتابي وزي تسذا ..

انا من النوع اللي يحب العملي .. شيء تطبيق .. شيء تشوفه وتطبق ... سوالف النظري والقلق ذا انا ما اديرها -.- عععععع

الا على الطاري .. وشلون الواحد يذاكر ؟؟ انا عن نفسي لي يومين أحاول ابدا أذاكر وماش .. المخ متنننننح !!!
جلست مع نفسي .. وقلت: يا ابو اليسر ما يصلح تسذا .. تبي تبتل تخربط .. تبي تبتل تضيع وقت ؟؟ وللحين ما فيه رد خخ 

طبعاً اذا استخدمت "ابو اليسر" مع نفسي فترى الموضوع جدي وتسذا خخ #نفسيه

 يالله يارب توفقنا بـ هالاختبارات ... وتوفق جميع المسلمين يارب .. واهم شيء اختبار الآخره يارب :")


وازيدكم من الشعر بيت .. آندرو مسافر الله يخسه .. رايح لملبورن او تسذا يسربت المنب قايل خخ 
قاعد بالبيت لي يومين .. وحاط حرتي بالأكل وتضييع الوقت الله يهدين .. يبي لي واحد يهوشن .. ادق على امي اقوله هوشين اغدين اعقل ههههه .. عاد امي تعطين من الحتسي الحامي .. واغديه ينفع بي :")


لكن ان شاء الله من باتسر .. ببدا صدز .. بخلي المطاريس واللعب .. بدرس واجتهد واصير انسان كويس .. برفع راس اميمتي وابوي واهلي وكل الناس .. > ارفع لنفسي  خخ


والله مدري شقول لكن مجرد سواليف واحد هاجتن به .. 


بالأخير .. دعواتكم لي ولكل الناس الكويسيي والموب كويسين بعد يستاهلون ..

وخوذوا لفه بالمدونه .. فيه سوالف كويسه وتسذا :P


نشوفكم لاحقاً ان شاء الله :$ :*


سبحانك اللهم وبحمدك .. اشهد ان لا اله الا انت .. استغفرك واتوب اليك ..

فضفضة ، الحياة في استراليا كـ #مبتعث :")

بسم الله الرحمن الرحيم ..


كح كح .. والله من زمان ما قعدت اسولف وتسذا بهالمكان .. * قلب ينبض*  > حركات الشات خخ :P

تحذير قبل تكمل، ترا كل اللي بتقراه مجرد سواليف مخلوطه مع بعض وممكن ما تفهم شيء، لكن سلكوا الله يسلك لكم في حياتكم :"$


ما علينا ..

إنقطاعي عن هالمكان الكويس لعدة أسباب .. السبب الأول كنت ناسي اني عندي مدونه خخ .. لكن هذاني تذكرت :")
السبب الثاني اني منضغط بالدراسه ومسوي دافور وانا من جنبها للاسف، لكن ان شاء الله الامور متجهه نحو الاتجاه الكويس :$


خن افضفض شوي ...



أشياء غريبة حدثت صراحة ..

انا كنت اعتبر نفسي من مدمني التويتر لدرجة ميب معقولة .. لكن خلال الفترة السابقة مدري وش جايني .. صايرن منب احتسي مثل منول وافضفض خخ .. يمكن من الاسباب انه فيه ناس كثير اعرفهم معرفة شخصيه يتباعوني وتسذا .. فما احس بالراحه خخ ..
ولذلك السبب .. فتحت اكاونت لحالي .. محد يتابعن وما اتابع احد .. تقل نفسيه، اروح افضفض به بعض المرات وامارس طقوس النفسيات وحيداً ومحد يعرفن  "وتراي ماخذ احتياطاتي ومتنكر باحتراف" هههههه :P



الصدز مدري وش اسولف .. مدري وش اقول .. لكن بسولف عن الحياة برا السعودية كـ مبتعث ..

غالباً الكل يقول انه وناسه وليتني مكانك ومدري وشو .. صراحه ما فيه شيء أحسن انك تكون بين اهلك واصدقائك والشغلات ذي .. مهما رحت ومهما جيت .. ما فيه شيء زي الاهل والوطن والحتسي الكشخه ذا ! 

نرجع لسالفتنا ..

الحياة برا السعودية كمبتعث تختلف كل الاختلاف عن الحياة بالسعودية .. طبعاً اتكلم عن نفسي :>
يمكن فيه مبتعثين ثانين يكونوا غير بالطريقة لكن انا اتكلم عن نفسي وبعض اللي اعرفهم ومن اللي اشوفه وكذا ..

سوالف انك تطلع مع اخوياك كل يوم واستراحه وفله ذي ما فيه، عزايم وعمانك وخوالك ما فيه، اهلك وسوق ورح وجب ومدري وشو ما فيه خخ > احسن شيء :P 

طبعاً بدايه الاسبوع عندنا يكون يوم الاثنين .. وهالشيء مسبب لي لحسه مخ كبيره من يوم ما وصلت لاستراليا ولحد الحين .. ما تعوددددت ببساطه ..
يومي جداً عادي .. اروح للجامعه، محاضرات وفهاوه .. افتح مخي بكوب قهوه لاتيه اثنين سكر من ايدين المززه ام شعر احمر*على قول العيال" والا انا منب ادقق .. :"$
غالباً تخلص محاضراتي على الساعه ٢ .. اقعد بالجامعه واسوي اني اذاكر او تسذا .. وأنا يا على الفيس بوك أو التويتر أو احوس بجوالي وألعب كل يوم لعبة " هاي داي ، كلاش اوف كلانز ، فن رن ، الخ " هههههههه

ارجع لبيت ع الساع ٦-٧ واحصل اندرو منجطل على الكنب ويحترين علشان يسوي العشاء .. وعلى الطاري الكنب ذا كنب سحري .. اول ما تجلس عليه يجيك نوم تلقائي ! علشان تسذا منب ادرس بالبيت والا بيقلب كل الوقت نوم خخ

آندرو .. وما ادراك ما آندرو !
آندرو انسان جداً كويس ..عايش وحيد وأنا ساكن عنده بالبيت .. صراحه احترم هالشخص احترام جداً كبير .. :"$
طبعاً آندرو طباخ ماهر وهو من طيحني بالخضار .. بالسعودية ما تسد أكلت خضار .. امي تغصبني عليه .. لكن هو طيحني فيه بشكل موب معقول .. وبالمقابل طيحته بالقهوة العربية ! وحده وبوحده خخخخخ

بتلت أطلع من الموضوع صح ؟؟ معليش سواليف واحد مدري شيبي ..

عموماً كل أيام الاسبوع نفس بعض لحد ما يجي يوم الجمعة اللي هو نفس يوم الإربعاء وه .. هنا عاد يتغير النظام ..
نصلي الجمعة في مصلى الجامعة * شيء جميل والله * ..

السعوديين غالباً في الويك إند يجتمعون ببيت حداهم .. وناسه وسواليف وتغيير جو .. بلايستيشن او نطلع نشوف لنا شيء نسويه " بولنق، بلياردو، كوفي والخربطه ذي" بالنسبه لي فاشل بجميع الالعاب ما عدا البلايستشين ، مأدب العيال تأديب :$


ويخلص الويك اند وترجع الامور زي ما هي، لوب في وسط لوب في وسط لوب ونتمنى هالأيام تعدي بسرعة ونرجع لأهلنا وديرتنا سالمين غانمين ..


رسالة بسيطة ، فيه بعض الناس يحس انه أي واحد يطلع برا لازم يسربت ومراقص وشراب واسكار ونكار !
بالعكس .. والله من شوفه عيني وان شاء الله اني منهم .. فيه ناس يرفعون راس الاسلام والمسلمين ..


اللهم احمنا واحم جميع المسلمين من جميع الاشياء الموب زينه يارب ..


كتبت حتسي واجد اليوم .. لكن مبطين ما حتسينا وواضح اني خلطت السواليف ومدري وشو ..



قبل تروح ، سؤال : وش استفدت من هالسواليف البايخه؟ وشكراً :P



^ حسيتن برنامج مسابقات خخخ

في أمان الله :*

فضفضه مُبتعث ، اشتقت لك يا وطني :")

بسم الله وبه نسعين ..

مدري صراحه وش اكتب وش اقول .. لكن ودي افضفض :")


تقريباً بكمل سنه بعيد عن السعودية .. بي كميه اشتياق ممكن تنفجر خخ 
ما حصلت لي فرصه تسوى عشان ارجع .. لكن وش نسوي ، الظروف وتسذا ..
وعلى قوله المبتعثين ، فيني "هوم سيك" أليم ، مشتاق لأمي ، لأبوي .. لأهلي .. لاخوياي ولريحه السعوديه :")
 
مشتاق مشتاق لكن وشسمه خخ :")

المهم اني من يوم بديت السمتر وانا مضغوط ، ما تعودت على الدراسه بهالشكل ، موب سالفه اني كسول او منب ادرس !

لكن النظام يختلف هنا كلياً عن نظام الجامعات بالسعوديه !! كلياً كلياً بكل معنى الكلمه ..

الدراسه هنا مع نفسك ، لنفسك .. محد عليه منك .. وهذا شيء كويس وغير كويس بنفس الوقت .. -.-"
النظام بجامعتي ما فيه حضور وغياب وتحضير .. يعني بتجي انت المستفيد ، منتب جاي برضوا انت الخسران ..

كل ماده تقريباً مقسومه قسمين بالدرجات .. قسم اختبار نهائي وممكن يكون اختبار نصفي ونهائي ، والقسم الثاني اسايمنتات او نقدر نقول واجبات لكن أكبر من الواجب .. 
الاسايمنتات عاده تكون بحوث ، تبحث عن موضوع وتكتب وتحوس وتدوس .. أو ممكن يكون عملي .. على حسب الماده =\

الشيء اللي ما تعودت عليه هو الاسايمنتات ، يعني بحكم تجربتي بالجامعات السعوديه ما عمري اخذت اشياء زي كذا .. لكن الله يعين :")

لكن اللي مصبرني هو إيماني بربي ، شغفي اني ارفع راس امي وابوي .. ديني ووطني .. :$

مجرد فضفضات مبتعث ..

#للذكرى

في أمان الله .. 

البرد المخيف في بلاد الكنغر ! -.-"

أحم مرتن ثانيه !

أكتب هذه السطور وأصابعي تتجمد ! نعم تتجمد .. كيف لا ودرجه الحراره الآن صفر مئويه ! هيهات هيهات وتسذا .. * صارت سالب واحد أبشركم * خخ :(

^ كان ودي أكتب مقدمه عربيه تاريخيه وهيك .. عشان أحس اني فخم ههههه

المهم .. ميب حاله يا ناس ..

برددددد ددد دد ، والله اني ما أحس بأطراف اصابعي من البرد -.-"

مدري شلون أوصف الشعور الخايس اللي أحسه ، لكن تخيل نفسك قاعد بثلاجه .. لا لا فريزر هو المكان الصحيح .. وتسذا عايش بفريزر .. وكل شيء جنبك متجمد .. سريرك ثاااالج ما تقدر تنام عليه مثل الناس ! الدفايه ما كأنها موجوده خخ .. يعني شيء مخيف =\

طبعاً قلت لازم أوثق هاللحظه بصوره .. صوره للذكرى :")

صوره التجمد في بلاد الكنغر !

بعض الفلورز واللي أعرفهم يقولون يا سعدك بالبرد، صراحه ما ألومهم .. من قوه الحر بالسعودية خخ .. لكن موب يا سعدي بالبرد اللي زي كذا .. والله شيء موب زين ابد ابد ..

تخيل بهالبرد إنك تخم الدفايه .. تبي تحس بشوي حراره ، تقعد عشر ثواني ما تحس بشيء .. همن يجيك شوي حراره !! سسسسلامات خخخخ
نفس الشعور اذا كان الجو حر وخام المكيف وتحس انه مايشتغل :P
  
وبما اني انسان صحراوي وأحب الشميسه ، أصنف نفسي تحت قائمه الضبان البشريه ! الناس المحبين للحر .. المحبين للشمس وه بس يالشمس :$
 على طاري الشمس .. من زمان عنتس يالشمس من زمان :") 3/>

الصيف ، الشمس .. الحر .. هالأشياء بقائمتي المفضلة :$ 
والبرد والشتاء والتدحمل من هالثياب كابوس بالنسبة لي!

خن بكتب بيت ، وتراي ما سرقته من ذاك اللي بالأدب حق الثانوي ..


يقول الشاعر ياسر ..
 الصيف والشمس والحر أعشقها .. والبرد والوشسمه وذا ما أحبهن !

^ ترا هذا مفروض يكون بيت من الشعر ، لكن التسليك بيلعب دور وعطون جوي :"$


ما ودي اقلب التدوينه صياح ونياح وبرد وتسذا .. لكن مجرد لحظه وحبيت أسجلها وتسذا :$

فتكوا بعافيه على قوله أهل النيل :*

في أمان الله ..

رمضان ، والمطاريس اللي صارت في استراليا

كح :"$

التدوين والحركات الفخمة ذي ما أعرف له .. وما راح أقول هذي مدونة كثر ما إنها راح تكون سواليف !

طبعاً هالمدونة كانت مفروض تكون مكان أحفظ فيه المواضيع اللي كنت أكتبها بالمنتديات ، لكنه صار مشروع مُتعثر خخ -.-"

هالمدونة راح تصير مطاريس، كتابات خرابيط ومنب مفكر واجد وأقعد ازبرق وزين .. حتى الديكور محوقه مثل وجهي خخخ :$

ما ودي أنجرف بالحتسي وأنسى الموضوع اللي ودي أقرق عنه ض١

رمضان ، اييييه يا رمضان .. وش سرعك جيت :")

هذا ثاني رمضان أقضيه برا السعودية ، والله إني للحين أذكر رمضان اللي راح .. وكأنه أمس :"""")

رمضان السابق كان الشهر اللي طلعت فيه من السعودية، نصه صمته في السعودية ونصه صمته في استراليا !

ما علينا ، لأني إن حتسيت بقعد أصيح وتسذا خخ :")

رمضان هالسنه شيء لحسه ، أول شيء جاء بسرعه .. وأحس اني ما إستعديت له .. خخ ، ودخوله - وخاصه في استراليا - سبب لي وجع راس كبير !

المسلمين في استراليا كثيرين ، ومن مذاهب  وأقليات كثيره .. وكل أقليه يتبعون طريقه خاصه بهم بتحديد دخول رمضان ! منهم من يعتمد رؤيه الهلال، واللي يعتمد على التقويم .. والبعض يتبع بلده !

يوم الخميس ، استراليا في ترقب .. شافوا القمر ؟ وش صار علينا ؟ محد يدري ! وانتشر الخبر .. مفتي عام استراليا يقول الجمعة صوم ! طيب كيف ؟ ليش ؟ شفتوا قمر أو وش السالفة ؟؟ محد يدري !! 

بعد ساعات ، نصف استراليا قالوا الجمعة رمضان ، والنص الثاني قالوا السبت ! وصارت الدعوى مطاريس .. =\

أنا يوم شفت السالفة تسذا به مطاريس وبدون أشياء رسمية .. قلت ماله داعي خخ ! وخصوصاً إن السنه اللي راحت .. في ناس في استراليا صاموا ٢٨ يوم بس ! والسبب دخول الشهر واللخبطه اللي كانت موجوده.

عاد أسولف على أمي واقوله اللخبطه اللي صايره ، ومير تقولي أنت تسحر ونم ، واذا قمت بكرا شف وش جزموا عليه خخ ، وتدخل براسي فكره اني أصوم .. :$

 فقررت إني أصوم يوم الجمعة إحتياط ، لعل وعسى ربي يتقبل من .. مدري هو حرص زياده أو فهاوه .. وعلى قولتهم .. الزود ولا النقص ههههههه > هالمثل مودين بداهيه !

أحس اني قرقت واجد مدري ليش .. المهم أغديه يكفي تسذا .. :"$

مدري شلون أختم ، خلاص وخروا شوي .. :*

 

الطريقة الصحيحة لعمل الباك آب ( back up ) للايفون أو الايبود تتش أو الايباد

بسم الله الرحمن الرحيم

* ملاحظة .. التدوينة هذي من عام ٢٠١٠ .. وتم التعديل عليها في ٢٠١٣ بحكم التغير في بعض الخطوات :)

      - الصور تم أخذها من آيتونز لجهاز الماك .. ما راح يكون فيه فرق كبير بين الماك والوندوز .. 

طبعاً .. حفظ البيانات من أهم العمليات في عالم الايفون والأيبود 

وكذلك الآيباد ..

من خلال تجربتي في هذا الموضوع .. 

ومن خلال بحثي في المنتديات العربيه عن هذا الموضوع ..

لم اجد الجواب الكامل .. ! 

للمعلوميه فقط .. ما يقوم به الـ Back Up ..

هو نسخ لعده اشياء .. أهمها ..

الاسماء - الرسائل - الصور - الاعدادت -  ...

وهنا سوف اعرض لكم تجربتي الّتي ادت بفاعليتها الكامله .. 

1 - الخطوه الأولى ..
تسجيل الدخول في يوزر أبل وإعطاء الآيتونز الإذن بالنسخ

نلاحظ خيار Sign In فوق يمين نضغط عليه كما هو واضح بالصورة 

أو

من شريط الأدوات الخاص بالآيتونز .. نضغط على كلمه " STORE "

ومن بعدها على خيار " Sign In "  ..

بعد ذلك سوف تظهر لنا نافذه .. يطلب فيها يوزر وكذلك باسوورد ..

تضع هنا اليوزر الخاص بك في الابل ستور .. وتكتب الباسوورد وبعدها Sign In

بعد ذلك

من شريط الأدوات .. نضغط على " STORE " ..

ومن ثم نختار "Authorize This Computer" كما هو واضح بالصوره ..

* الفائده من هذه الخطوه .. هي إعطاء الكمبيوتر تفويض بنقل البيانات كامله الى الأيتونز .. وأخذ نسخه منها .. !
* اذا كان هنالك بعض البرامج محملة من يوزر آخر، لن يتم نسخها في الآيتونز :)

2 - الخطوه الثانية 
 بدء عملية النسخ الاحتياطي " الباك اب "

بعد الخطوات السابقه .. أنت مستعد لنقل البيانات ..

في هذه الخطوه سوف ننقل البرامج والتطبيقات الموجوده على جهازك ..

نتبع الخطوات التالية 

طبعاً نوصل الجهاز المراد اخذ النسخه الاحتياطه منه .. ونلاحظ ظهور أيقونة للآيفون في الأعلى كما هو واضح بالصورة

نضغط عليها

سوف ننتقل لنافذة جديدة ..

هناك خطوتين كما هو واضح في الصورة التالية

الخطوة رقم واحد هي مكان النسخة الاحتياطة
ونختار خيار "This computer" وهو انه سوف ينسخ في هذا الكمبيوتر

الخطوة رقم اثنان هي بدء النسخ الاحتياط "الباك اب"
نضغط على خيار "Back Up Now"

نلاحظ في أعلى الآيتونز كم هو واضح في الصورة انه بدء النسخ
عملية النسخ قد تستغرق القليل من الوقت .. يعتمد على حسب حجم البيانات في جهازك .. :)

بعد اكتمال عملية النسخ الاحتياطي " الباك اب " 
نتأكد انه تم النسخ ونشوف التاريخ والوقت لآخر عملية نسخ تم اكتمالها كم هو في الصورة

3 - الخطوه الثالثة .. " عند االرغبه في استرجاع البيانات "
عملية استرجاع النسخ الاحتياطي للبيانات للجهاز

بعد ما تسوي فورمات للجهاز .. أو تحديث أو مهما كان سببك وتبي ترجع بيناتك .. هذي الخطوة لكيفية استرجاع الباك اب الخاص بك

نوصل الجهاز في الكمبيوتر ونلاحظ آيقونه الجهاز ظهرت لنا في اليمين

بعدها نختار خيار "Restore Backup" كما هو واضح في الصورة
ومعناه استرجاع الباك اب ..

بعد الضغط على خيار استرجاع الباك اب .. تظهر لنا نافذة كما هو واضح بالصورة وفيها تقدر ترجع لأي باك اب موجود في الجهاز .. 
بعد ما تختار الباك اب .. نضغط "Restore" وننتظر لحد ما يخلص :)

* ملاحظة: اذا كنت مسوي باك اب من عدة اجهزة .. راح تلاحظ اسماء الاجهزة والتواريخ .. وبكذا تقدر تفرق بين كل باك اب ..

وبكذا .. يكون الموضوع وصل للنهاية ..

 لأي سؤال عن أي خطوة او مشكلة الرجاء ترك تعليق في هذا الموضوع أو سؤالي في التويتر

@iYass3r


شاكر لكم متابعتكم :)

جيلبريك greenpois0n

 جيلبريك الـ greenpois0n

هذي الاداه مطوره من جيلبريك limera1n  واستخدمت نفس ثغره الـ limera1n

اذا صرت تعاني من مشاكل من جيلبريك الـ limera1n 

اذاً استخدم آداه greenpois0n

للفريموير 4.1 فقط ..

* تحديث ..

فريق الـ Chronic ينصح لأصحاب الايفون والايبود التحديث الى الفريموير 4.1 وتحديث الايباد الى 3.2.2 .. قبل عمل الجيلبريك لضمان عمل الجيلبريك ..

اما اذا كنت تحتاج الى الانلوك او ما يسمى بفتح الاجهزه المغلقه .. فاستخدم tinyumbrella للتحديث لكي تحتفظ بالبيس باند ..

طريقه التحديث مع الاحتفاظ بالبيس باند من هنا .. 

http://www.adslgate.com/dsl/showthread.php?t=722917






او استخدم آداه .. PwnageTool 4.1

عشان تسوي جيلبريك مع الاحتفاظ بالبيس باند =)

يدعم ..

 iPhone 4

 iPhone 3G S

iPod Touch 2G, MC and MB

iPod touch - 4th

 iPod touch - 3G

 iPad

   Soon   -     Apple TV - 2nd Generation

ايفون 4 ..

ايفون 3gs

ايبود تتش الجيل الثاني ..

ايبود تتش الجيل الرابع ..

ايبود تتش الجيل الثالث ..

الآيباد .. !

وقريباً سوف يدعم ابل تي في ..

*تنويه ..

لاصحاب iPhone 3G

عشان تسوون جيلبريك استخدموا اداه .. redsn0w

من هنا http://blog.iphone-dev.org/post/1160213613/redsn0wier

* تنويه اخر لأصحاب الاجهزه المغلقه ..

لا تحدثوا الان لانه لا يوجد فتح للشبكه ..

او استخدموا جيلبريك  PwnageTool 4.1

" تم تحديث الروابط "

نزل الاصدار الثالث ( RC4 ) من الفريق .. وتم اصلاح الأخطاء .. !

يفضل التحميل من الموقع مباشره .. لضمان الحصول على اخر ااصدار !

للتحميل ادخل من هنا ..

http://www.greenpois0n.com/

او من الروابط هنا ..

رابط مباشر للتحميل " وندوز" ..

رابط مباشر للتحميل " ماك" ..

رابط تحميل مباشر " لينوكس " ..

قبل البدء .. ونصيحه مني .. يا ليت لو تسوي باك اب .. =)


الطريقه من هنا ..  من شرحي =)


طريقه عمل الباك اب ..

ملاحظه مهمه  ..

 قبل ان تبدأ .. تأكد من ان لديك اخر اصدار من الايتونز

وان الايتونز يبقى شغال .. !

الشرح .. بيسط وسهل ..

حمل الادآه ..

افتحها بيطلع لك كذا شكلها ..

طبعا اول خطوه .. انك تطفي جهازك .. وتشبكه بالـ USB

وتستعد عشان تدخله وضع الـ DFU

الخطوه الثانيه ..

المطلوب انك تدخل الجهاز بوضع الـ DFU

نلاحظ الكتابه اللي بالاسود العريض ..

يقول لك  .. استعد عشان نبدا .. وفيه رقم ينقص يمين

اذا خلص الرقم من ووصل صفر راح ينتقل للمرحله اللي بعدها ..

اذا فشلت تقدر تسوي reset وتعيد من اول .. =)

المرحله التاليه ..

قم بالضغط على زر التشغيل .. لمده ثانيتين ..

وبعدها بننتقل للمرحله اللي بعدها ..

المرحله التاليه ..

نكمل ضغطنا ع زر التشغيل .. ونضغط زر الهوم بالوقت نفسه .. لمده عشر ثواني ..

المرحله التاليه ..

نترك زر التشغيل .. ولكن نكمل الضغط ع زر الهوم .. لمده 15 ثانيه ..

وبكذا دخلنا وضع الـ DFU

" اذا فشلت بعمليه الدخول للـ DFU ادخل هنا ..

http://www.youtube.com/watch?v=bITIiGswjFI >> يحتوي على موسيقى ! =)

اول ابحث " HOW TO DFU MODE "

اذا نجحت بالعمليه .. بيجك زي الصوره ..

واذا لم تنجح تقدر تعيد العميله عادي بدون اي مشاكل ..

بعد كذا .. نضغط كلمه jailbreak!

ملاحظه مهمه  ..

 قبل ان تضغط كلمه Jailbreak .. تأكد من ان لديك اخر اصدار من الايتونز

وان الايتونز شغال .. !

راح يحمل وكذا .. زي ما هو واضح بالصوره ..

في بعض الاحيان .. سيفشل الجيلبريك ..

ونلاحظ كتبته " jailbreak Faild  "

نضغط quit ونعيد من اول ..

اما اذا نجح الجيلبريك ..

بتشوف شاشه الايفون صايره سوداء .. وكتب يمشي بالابيض وتحس انه بالدوس خخخ

خليه لا تسوي شيء ..!

بجيك زي كذا ..

بعد ما يعطيك الرساله ذي .. ويقول لك الجيلبريك خلص ..

بتلااحظ الايفون للحين بالشاشه السوداء ..

خليه شويات .. وبتتخلص السالفه .. !

وبتجيك علامه ابل وبيطفا الجهاز ويشتغل مره ثانيه .. !

بعد كذا .. بتلقا ايقونه بالجهاز اسمها loader

شرط اساااسي تكون متصل بالانترنت ..

بعد ما تتصل ...

ادخلها ..

وبيجيك زي كذا !

نضغط على كلمه cydia

بعدين كلمه Install Cydia

وبيبدا يحمل .. مثل هيك ..

بعد ما يخلص محمل .. بيعطيك رساله ..

هل تبي تشيل الـ loader

اضغط remove

وبكذا السيديا .. تحمّل معنا زي ما بالصوره .. ! =)

ومبرووووووك عليك الجيلبريك .. !

واذا لم ينجح معاك الجيلبريك ..

يمكنك تجربه جيلبريك limera1n =)

وهذي صوره من الايفون بعد الجيلبريك ..

للاخوان اللي يبون الخلفيه .. =)

هذي هي ..

" ملاحظه " ..

الموضووع قابل للتعديل باي وقت .. =)